Daily Sindh

اسلام آباد(اي پي پي) سپريم ڪورٽ پاڪستان اسٽيل ملز اسڪينڊل ڪيس ۾ ڏنل پنهنجي فيصلي ۾ ايف آءِ اي جي ڊائريڪٽر جنرل کي هدايت ڪئي آهي ته اسيڪنڊل جي حوالي سان تيار ڪيل سمورو ريڪارڊ نيب چيئرمين جي حوالي ڪيو وڃي جيڪو ٽن مهينن جي عرصي دوران ڪارروائي مڪمل ڪندو. ٽه رڪني بينچ طرفان محفوظ ڪيل فيصلو ٻڌائيندي جسٽس طارق پرويز چيو ته اسٽيل مل ۾ اسڪينڊل بابت پاڻمرادو ورتل نوٽيس واري ڪيس جي سماعت سپريم ڪورٽ ۾ 7 آڪٽوبر 2009ع تي شروع ڪئي وئي هئي جيڪا هلندڙ سال 15 مارچ تي پڄاڻي تي پهتي هئي.

اسلام آباد(اي پي پي) وزيراعظم سيد يوسف رضا گيلاني چيو آهي ته نيٽو ۽ آمريڪا سان پاڪستان جا لاڳاپا نازڪ دور مان گذري رهيا آهن، اسان کي خطي ۾ پنهنجي جاگرافيائي اهميت ۽ قومي مفادن کي نظر ۾ رکندي اهم فيصلا ڪرڻ جا ضرورت آهي، پنهنجي اصولي موقف تي نه ٺاهه ڪيو ۽ نه ئي ڪنداسين، برطانيا ۾ هڪ چونڊيل وزيراعظم جو شاندار استقبال جمهوري پاڪستان سان لاڳاپن جي اهميت ۽ اعتماد جو مظهر آهي، سپريم ڪورٽ جي فيصلي خلاف اپيل جو حق حاصل آهي، اميد آهي ته انصاف ملندو ۽ آئيني شقن جو احترام ڪيو ويندو، آئين جو هر قيمت تي تحفظ ڪندس ۽ ڪنهن ڌمڪي کان نه ڊڄندس.

واشنگٽن(اي پي پي) آمريڪا چيو آهي ته نيٽو سربراهي اجلاس ۾ پاڪستان جي شرڪت اهم آهي، شڪاگو ڪانفرنس کان اڳ عالمي فورسز لاءِ پاڪستان سپلائي روٽ جي بحالي هڪ وڏي اڳڀرائي هوندي. آمريڪي پرڏيهي کاتي جي ترجمان وڪٽوريه نولينڊ ميڊيا کي ٻڌايو ته پاڪستان سان اهم معاملن تي اڳڀرائي ٿي رهي آهي.

اسلام آباد(اي پي پي) قومي اسيمبلي جي قوم هم آهنگي بابت اسٽينڊنگ ڪميٽي جو اهم اجلاس چيئرمين مهيش ڪمار ملاڻي جي صدارت ۾ منعقد ٿيو، اجلاس ۾ زوري مذهب تبديل ڪرڻ جي بل جي مسودي تي خيالن جي ڏي وٺ ڪئي وئي، ڪميٽي وزارت کي هدايت ڪئي ته تجويز ڪيل بل جي تياري جي سلسلي ۾ تجويزن کي جلد حتمي شڪل ڏني وڃي.

ڄامشورو(اي پي پي) خيرپور واسي شاگرد آغا وقار طرفان واٽر ڪٽ جي تجربي واري خبر جو  مهراڻ  انجنيئرنگ يونيورسٽي جي وائيس چانسلر  پروفيسر ڊاڪٽر عبدالقدير راجپوت نوٽيس ورتو آهي ۽ پرو وائيس چانسلر پروفيسر ڊاڪٽر محمد اسلم عقيلي جي نگراني ۾ هڪ اعليٰ سطحي ڪميٽي جوڙي آهي.

ڪراچي(اي پي پي)  سنڌ جي وڏي وزير سيد قائم علي شاهه چيو آهي ته صوبي ۾ امن امان قائم ڪرڻ ۽ ماڻهن جي جان ۽ مال جو تحفظ حڪومت ۽ ان جي ماتحت ادارن جي ذميداري آهي ۽ ڪنهن واقعي يا حادثي ۾ متاثر خاندانن جي  مدد ڪرڻ به حڪومت جي فرضن ۾ شامل آهي.